Gjennomfør evalueringsmøte. Alle involverte partar drøftar i kva grad dei koordinerte tiltaka som er sett i verk har hatt ønska effekt og om tiltaka møter behova til barnet/ungdommen godt nok. Hugs å få med barnet/ungdommen si oppleving av endring.

Blei planlagde tiltak gjennomført og følgt opp?
Har tiltaka hatt effekt?
Møter tiltaka behovet til barnet/ungdommen godt nok?
Er det behov for andre/ytterlegare tiltak?

NB! Barnet har rett til å seie si meining i alt som vedkjem det, og barnet sine meiningar skal vektleggast.

På bakgrunn av av evalueringa de har gjort, fatt ei avgjerd om vegen vidare. Det er minst tre moglege utfall:

Tiltaka har hatt ønska effekt, det er ikkje lenger grunn til uro. Avslutt og dokumenter dette.
Dei koordinerte tiltaka har ikkje gitt ønska effekt. Sett i verk tiltak på Nivå 1, 2 eller 3.
Vurder om barnet har behov for langvarige og koordinerte helse- og omsorgstenester og rett til å få utarbeidd ein individuell plan (IP). Involver føresette, barn/ungdom i den vidare prosessen og send eventuelt søknad til tenestekontoret.

Her kan du søkje om individuell plan og koordinator: Microsoft Word - Søknadsskjema helse- og omsorg Rett til barnekoordinator - Helsedirektoratet

NB! Barnet har rett til å seie si meining i alt som vedkjem det, og barnet sine meiningar skal vektleggjast.